ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱵᱟᱡᱟᱨᱤᱭᱟᱹ ᱨᱮᱭᱟᱜ ᱚᱨᱥᱚᱝ
Author : Guna Hembrom
Abstract :
ᱥᱟᱶᱦᱮᱫ ᱫᱚ ᱥᱟᱶᱛᱟ ᱨᱮᱭᱟᱜ ᱟᱹᱨᱥᱤ ᱠᱟᱱᱟ ᱾ ᱡᱟᱦᱟᱸ ᱞᱮᱠᱟ ᱥᱟᱶᱛᱟ ᱨᱮ ᱵᱚᱱᱚᱫᱚᱞ ᱦᱤᱡᱩᱜᱼᱟ, ᱚᱱᱠᱟᱜᱮ ᱥᱟᱶᱦᱮᱫ ᱨᱮᱭᱟᱜ ᱫᱚᱥᱟ ᱟᱨ ᱫᱤᱥᱟᱹ ᱦᱚᱸ ᱟᱹᱨᱩ ᱯᱷᱮᱨᱟᱜ ᱠᱟᱱᱟ ᱾ ᱱᱚᱣᱟ ᱥᱚᱥᱱᱚᱜ ᱡᱩᱜᱽ ᱨᱮ ᱵᱟᱡᱟᱨᱤᱭᱟᱹ ᱛᱮ ᱦᱟᱥᱟ ᱡᱟᱭᱜᱟ ᱥᱩᱢᱩᱝ ᱥᱮ ᱚᱛᱱᱚᱜ ᱥᱩᱢᱩᱝ ᱫᱚ ᱵᱟᱝ, ᱵᱤᱪᱠᱚᱢ ᱥᱟᱶᱛᱟᱨᱤᱭᱟᱹ, ᱠᱟᱹᱣᱰᱤᱭᱟᱹᱨᱤ, ᱞᱟᱠᱪᱟᱨ, ᱟᱹᱨᱤᱪᱟᱹᱞᱤ, ᱥᱟᱪᱟᱨᱦᱮ, ᱦᱚᱭᱦᱤᱸᱥᱤᱫ ᱟᱨ ᱢᱟᱹᱱᱢᱤ ᱠᱚᱣᱟᱜ ᱡᱤᱭᱚᱱ ᱦᱚᱨᱟ, ᱩᱭᱦᱟᱹᱨ, ᱟᱹᱭᱠᱟᱹᱣ ᱟᱨ ᱚᱱᱟ ᱥᱟᱶᱛᱮ ᱥᱟᱶᱦᱮᱫ ᱦᱚᱸ ᱟᱹᱰᱤ ᱥᱟᱸᱭᱟᱫ ᱛᱮ ᱵᱚᱫᱚᱞᱚᱜ ᱠᱟᱱᱟ᱾ ᱵᱚᱱᱚᱫᱚᱞ ᱫᱚ ᱥᱤᱨᱤᱡ ᱨᱮᱭᱟᱜ ᱟᱹᱨᱤ ᱠᱟᱱᱟ ᱾ ᱵᱚᱱᱚᱫᱚᱞ ᱫᱚ ᱞᱟᱹᱠᱛᱤᱜ ᱠᱟᱱᱟ ᱢᱮᱱᱠᱷᱟᱱ ᱚᱱᱠᱟᱱ ᱵᱚᱫᱚᱞ ᱫᱚ ᱵᱟᱝ ᱞᱟᱹᱠᱛᱤᱜ ᱠᱟᱱᱟ, ᱡᱟᱦᱟᱸ ᱛᱮ ᱱᱤᱡᱟᱨᱮᱜ ᱩᱯᱨᱩᱢ ᱦᱚᱸ ᱟᱫ ᱩᱛᱟᱹᱨᱚᱜᱼᱟ ᱾ ᱢᱟᱹᱱᱢᱤ ᱫᱚ ᱥᱟᱶᱛᱟ ᱨᱤᱱ ᱡᱤᱣᱤᱭᱟᱱ ᱠᱟᱱᱟᱠᱚ ᱾ ᱥᱟᱶᱛᱟ ᱵᱮᱜᱚᱨ ᱮᱠᱞᱟ ᱵᱟᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱥᱟᱱᱛᱟᱲ ᱫᱚ ᱢᱤᱫ ᱜᱟᱛᱟᱠ ᱠᱚᱣᱟᱜ ᱡᱟᱹᱛ ᱠᱟᱱᱟ ᱟᱨ ᱥᱟᱱᱛᱟᱲᱤ ᱢᱤᱫᱴᱟᱝ ᱯᱟᱹᱨᱥᱤ ᱠᱟᱱᱟ ᱾ ᱥᱟᱱᱛᱟᱲ ᱠᱚᱣᱟᱜ ᱦᱚᱸ ᱥᱟᱶᱛᱟ ᱢᱮᱱᱟᱜᱼᱟ ᱾ ᱡᱟᱦᱟᱸ ᱫᱚ ᱥᱟᱱᱛᱟᱲ ᱥᱟᱶᱛᱟᱠᱚ ᱢᱮᱛᱟᱜ ᱠᱟᱱᱟ ᱾ ᱥᱟᱶᱛᱟ ᱫᱚ ᱟᱹᱨᱤᱼᱪᱟᱹᱞᱤ, ᱟᱹᱱᱼᱟᱹᱨᱤ ᱛᱮ ᱵᱮᱱᱟᱜ ᱠᱚᱜᱼᱟ ᱾ ᱢᱤᱫᱴᱟᱝ ᱥᱟᱶᱛᱟ ᱨᱮ ᱛᱟᱦᱮᱱ ᱞᱟᱹᱜᱤᱫ ᱟᱹᱰᱤ ᱜᱟᱱ ᱟᱹᱱᱼᱟᱹᱨᱤ ᱠᱚ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜᱼᱟ ᱾ ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱦᱚᱸ ᱟᱹᱰᱤ ᱟᱭᱢᱟ ᱟᱹᱱᱼᱟᱹᱨᱤᱠᱚ ᱢᱮᱱᱟᱜᱼᱟ ᱾ ᱥᱟᱱᱛᱟᱲ ᱠᱚᱣᱟᱜ ᱞᱟᱭᱼᱞᱟᱠᱪᱟᱨ, ᱟᱹᱨᱤᱼᱪᱟᱹᱞᱤ ᱢᱮᱱᱟᱜᱼᱟ ᱾ ᱨᱚᱲ ᱢᱮᱱᱟᱜᱼᱟ, ᱯᱟᱹᱨᱥᱤ ᱢᱮᱱᱟᱜᱼᱟ ᱾ ᱚᱞ ᱢᱮᱱᱟᱜᱼᱟ ᱢᱟᱱᱮ ᱪᱤᱠᱤ ᱢᱮᱱᱟᱜᱼᱟ ᱟᱨ ᱥᱟᱶᱦᱮᱫ ᱦᱚᱸ ᱢᱮᱱᱟᱜᱼᱟ᱾ ᱱᱚᱣᱟ ᱥᱟᱱᱟᱢ ᱡᱤᱱᱤᱥ ᱥᱟᱢᱴᱟᱣ ᱫᱚᱦᱚ ᱜᱮ ᱥᱟᱶᱛᱟ ᱨᱮᱭᱟᱜ ᱠᱟᱹᱢᱤ ᱠᱟᱱᱟ ᱾ ᱥᱟᱶᱛᱟ ᱨᱤᱱ ᱦᱚᱲ, ᱥᱟᱶᱛᱟ ᱨᱮ ᱛᱟᱦᱮ ᱠᱟᱛᱮ ᱪᱮᱫ ᱞᱮᱠᱟ ᱠᱚ ᱠᱟᱹᱢᱤᱭᱟ, ᱪᱮᱫ ᱞᱮᱠᱟ ᱠᱚ ᱨᱚᱲᱟ, ᱚᱱᱠᱟ ᱜᱮ ᱥᱟᱶᱦᱮᱫ ᱨᱮ ᱚᱞ ᱥᱚᱫᱚᱨᱚᱜᱼᱟ ᱾ ᱥᱟᱶᱛᱟ ᱨᱤᱱ ᱦᱚᱲ ᱵᱟᱡᱟᱨᱤᱭᱟᱹ ᱚᱨᱥᱚᱝ ᱛᱮ ᱡᱟᱦᱟᱸ ᱞᱮᱠᱟ ᱠᱚ ᱟᱹᱨᱩᱼᱯᱷᱮᱨᱟᱜᱼᱟ, ᱚᱱᱠᱟᱜᱮ ᱥᱟᱶᱦᱮᱫ ᱨᱮᱦᱚᱸ ᱟᱹᱨᱩ ᱯᱷᱮᱨᱟᱣ ᱦᱩᱭᱩᱜᱼᱟ᱾
Keywords :
ᱥᱟᱱᱛᱟᱲᱤ, ᱯᱟᱹᱨᱥᱤ, ᱥᱟᱶᱦᱮᱫ, ᱥᱟᱶᱛᱟ, ᱵᱟᱡᱟᱨᱤᱭᱟᱹ, ᱚᱨᱥᱚᱝ
